Exo 38 | ZomZIV | STEP | Amaute in singkha-sing tawh tong thum a sang, meihal biakna-tau a bawl uh hi; tong nga sau-in tong nga za -a, a ningkim ahi hi.

Exodus 38

Meihal Biakna-tau

1 Amaute ^{▼▼38.1 Ahikeh Amah tg. 2-9 ah zong} in singkha-sing tawh tong ^{▼▼38.1 Tuapen pi 4 ½ bang ( meter 1.3 bang)} thum a sang, meihal biakna-tau a bawl uh hi; tong nga sau-in tong nga za ^{▼▼38.1 Tuapen pi 7 ½ bang (meter 2.3 bang) sau in zai hi}-a, a ningkim ahi hi. 2 A kiu lite ah ki khat ciat neisak uh a, biakna-tau le a kite sakhatin bawlin, biakna-tau sumngo-in a luan uh hi. 3 Amaute in nazatte khempeuh - beelte, vut luahnate, tui thehna kuangkumte, salep-sikka le meiluahnate sumngo tawh a bawl uh hi. 4 Amaute in biakna-tau ading a zawl nuai-ah a kimciang a pha to a koih ding sumngo siklen a bawl uh hi. 5 Amaute in tua sumngo siklen kiu lite mongah a zawlte len dingin sumngo kualte a sung uh hi. 6 Amaute in singkha zawl sui uh a, tuate sumngotui a luan uh hi. 7 Amaute in a kualte sungah zawlte a khum uh hi; tua ahi ciangin tua puak nadingin tuate a pangah a om hi. Amaute in singpek tawh a vangin a bawl uh hi. ^d

Kisilna Kuangpi

8 Amaute in Kikhopna Puanbuk lutna-a nasem numeite’ sumngo limlangte panin sumngo kuangpi le a tunna a bawl uh hi. ^e

Ahuang

9 A zomah amaute in hoihtaka kikhuk-a kigan puanzakte tawh ahuang a bawl uh hi. A leitaw-lam pang tong ^{▼▼38.9 Tuapen pi 150 bang (meter 46 bang)} za khat sau a, 10 khuam sawm nih le sumngo bullen sawm nih tawh, a khuamah ngun vankhai le a gaknate a nei hi. 11 A leilu-lam pang zong tong za khat mah sau-a, khuam sawmnih, sumngo bullen sawmnih a ngun vankhai le a gaknate a khuamte tungah a nei hi.

12 A nitumna-lam panga puanzakte tong ^{▼▼38.12 Tua pen pi 75 bang (meter 23 bang)} sawmnga zai-a, khuam sawm le a bullen sawm, khuam tungah a ngun vankhai le a gaknate a nei hi. 13 Nisuahna-lam mong nisuak lam manawh zong tong sawmnga mah a zai hi. 14 A lutna pang khat-a puanzakte tong ^{▼▼38.14 Tua pen pi 22 ½ bang(meter 6.9 bang)} sawm le nga zai in, khuam thum le bullen thum nei in, 15 ahuang lutna a khat lam pangah tong sawm le nga asau puanzakte, khuam thum le bullen thum tawh a om hi. 16 Ahuang kimkot-a puanzakte khempeuh hoihtak-a kikhuk-a kigan puan ahi hi. 17 A khuamte ading bullen sumngo ahi hi. Khuam tunga vankhaite le a khainate ngun hi a, tuate dawnte nguntui kiluan ahi hi; tua ahi ciangin huanga khuamte khempeuh in ngun gakna a nei hi.

18 Ahuang sung lutna-a puanzak, adum, adupsan le a-ausan khau hoihtaka kigan puan - khutkhui siamte khui ahi hi. Tua pen tong ^{▼▼38.18 Tua pen pi 30 bang (meter 9 bang)} sawmnih sau-a, ahuang puanzakte mah bangin tong ^{▼▼38.18 Tua pen pi 7 ½ bang (meter 2.3 bang)} nga sangin, 19 khuam li le sumngo bullen li tawh ahi hi. Tuate’ vankhaite le a gaknate ngun hi-a, a dawnte nguntui kiluan ahi hi. 20 Biakbuk le a huang kimkota khetphimte khempeuh sumngo ahi hi. ^k

Vanzatte

21 Moses thupiakna bangin Levi mite in hihte ciamteh uh a, Siampi Aaron tapa Ithamar makaihna nuai-ah biakbuk, Tecipanna, biakbuk adingin a kizang vante hizahtak ahi hi. 22 (Judah beh a, Hur’ tapa Uri’ tapa Bezalel in, TOPA in Moses a thupiak na khempeuh a bawl hi; 23 Dan beh a Ahisamach tapa Oholiab - khutsiam-a a geelsiampa, adum, adupsan, a-ausan khau-a kigan puan khutkhui siampa tawh a semkhawm hi.) 24 Munsiangtho bawlna-a kizang vei-a biakna-a kipia kham khempeuh a vekpi in munsiangtho shekel tawh kizui-in talent 29 le shekel 730 ^{▼▼38.24 Khamte gihna ton khat sangin gik zaw hi (metric ton 1 bang)} ahi hi. ^m

25 Misimna-a kisim mipite pana kingah ngun khempeuh munsiangtho shekel tawh kizui-in talent 100 le shekel 1,775 ^{▼▼38.25 Ngunte gihna ton 3 ¾ sangin tawm gik zaw hi (metric ton 3.4 bang)} - 26 mi khat piak beka khat hi-a, tua pen munsiangtho shekel tawh kizui-in shekel ^{▼▼38.26 Tua pen ounce 1/5 bang (gram 6 bang)} lang hi-in, kum sawmnih le a tungsiah bek a kisim hi-a, a kisim khempeuh pasal 603,550 a pha hi. 27 Munsiangtho le puanzak-a kizang dingin ngun talent ^{▼▼38.27 Tua pen ton 3 ½ bang (metric ton 3.4 bang)} 100 - bullen 100 ading talent 100, bullen khatah talent khat ciat ahi hi. 28 Amaute in khuam-a vankhaina, khuam dawnte luanna le a gaknate bawlna in shekel ^{▼▼38.28 Tua pen pound 45 bang (kilogram 20 bang)} 1,775 a zang uh hi. ^r

29 Vei-a biakna panin sumngo talent 70 le shekel ^{▼▼38.29 Sumngote gihna ton 2 ½ bang ( metric ton 2.4 bang)} 2,400 ahi hi. 30 Amaute in tuate Kikhopna Puanbuk lutna khuam bullente, sumngo biakna-tau-a sumngo siklen le a vanzatte khempeuh, 31 huang kimkot-a bullente le a lutna ading le biakbuk ading ahuang kimkot-a khetphimte khempeuh dingin a zang uh hi.